Pahalgam Terror Attack : काश्मीरमधील पहलगाम येथे २२ एप्रिल रोजी झालेल्या दहशतवादी हल्ल्यावर कारवाई करत भारताने बुधवारी रात्री ऑपरेशन सिंदूर सुरू केले आहे. भारतीय सशस्त्र दलांनी 'ऑपरेशन सिंदूर' अंतर्गत पाकिस्तान आणि पाकव्याप्त जम्मू आणि काश्मीरमधील ९ दहशतवादी तळांवर हवाई हल्ले केले आहेत. संरक्षण मंत्रालयाने म्हटले की, या तळांवरून भारताविरुद्ध दहशतवादी हल्ले करण्याचे नियोजन करण्यात आले होते. ९ दहशतवाद्यांच्या अड्ड्यांवर हल्लाभारतीय संरक्षण मंत्रालयाने पुष्टी केली आहे की भारतीय सशस्त्र दलांनी "ऑपरेशन सिंदूर" नावाची लष्करी मोहीम सुरू केली आहे. या कारवाईअंतर्गत पाकिस्तान आणि पाकव्याप्त जम्मू आणि काश्मीरमधील ९ दहशतवादी अड्ड्यांवर हल्ला करण्यात आला आहे. मंत्रालयाच्या म्हणण्यानुसार, या ठिकाणांहून भारतावर दहशतवादी हल्ल्यांचे नियोजन आणि अंमलबजावणी केली जात होती. पाकिस्तानी लष्करी तळांवर हल्ला नाहीमंत्रालयाने म्हटले की ही कारवाई अतिशय विचारपूर्वक, मर्यादित आणि गैर चिथावणीखोर पद्धतीने करण्यात आली आहे. विशेष म्हणजे कोणत्याही पाकिस्तानी लष्करी तळाला लक्ष्य करण्यात आलेले नाही. भारताने लक्ष्य निवडले आणि अशा प्रकारे हल्ला केला की संघर्षाची परिस्थिती निर्माण होणार नाही परंतु दहशतवादाविरुद्ध एक मजबूत संदेश नक्कीच जाईल.
पहलगामचा बदला घेतला!जम्मू आणि काश्मीरमधील पहलगाम भागात अलिकडेच झालेल्या क्रुर दहशतवादी हल्ल्याला प्रत्युत्तर म्हणून ही कारवाई करण्यात आली आहे, ज्यामध्ये २५ भारतीय नागरिक आणि १ नेपाळी नागरिक ठार झाला होता. या कारवाईची माहिती देताना मंत्रालयाने सांगितले की, त्याबद्दल अधिक माहिती पत्रकार परिषदेत दिली जाईल.दरम्यान, भारतीय लष्कराने X (पूर्वीचे ट्विटर) वर पोस्ट केले आणि लिहिले, "न्याय झाला आहे. जय हिंद!" सैन्याने आधीच्या पोस्टमध्ये असेही म्हटले होते, “प्रहारय सन्नाहिताः, जया प्रतिष्ठाः,” म्हणजे आम्ही हल्ला करण्यास सज्ज आहोत आणि जिंकण्यासाठी प्रशिक्षित आहोत.
पाकिस्तानचा हल्ल्याला दुजोरापाकिस्तानी लष्करानेही या हल्ल्याची पुष्टी केली आहे. पाकिस्तानी लष्कराचे प्रवक्ते लेफ्टनंट जनरल अहमद शरीफ चौधरी म्हणाले की, भारतीय क्षेपणास्त्र हल्ले पाकिस्तानच्या आत तीन ठिकाणी करण्यात आले - मुझफ्फराबाद, कोटली आणि बहावलपूरचा अहमद पूर्व परिसर. या हल्ल्यांमध्ये एका मुलाचा मृत्यू झाला, तर एक पुरूष आणि एक महिला गंभीर जखमी झाल्याचा दावा त्यांनी केला. ते म्हणाले की, भारतीय हवाई दलाने हे हल्ले भारतीय सीमेवरून केले आणि कोणतेही भारतीय विमान पाकिस्तानच्या हवाई क्षेत्रात घुसले नाही. हल्ल्यानंतर पाकिस्तानी हवाई दलाने लगेचच आपले लढाऊ विमान हवेत पाठवले.पाकिस्तानी लष्कराने असेही म्हटले की पाकिस्तान त्याच्या ठरलेल्या वेळी आणि ठिकाणी याला प्रत्युत्तर देईल. पाकिस्तानचे संरक्षण मंत्री ख्वाजा आसिफ यांनी म्हटले आहे की भारतासोबत संघर्ष आता "अपरिहार्य" झाला आहे आणि तो "केव्हाही होऊ शकतो". या हल्ल्यानंतर पाकिस्तानच्या मुझफ्फराबाद भागात ब्लॅकआउटसारखी परिस्थिती निर्माण झाली आहे, ज्याला स्थानिक माध्यमांनी दुजोरा दिला आहे.