अखेरच्या षटकांमध्ये शादाब खानने केवळ 12 चेंडूत 30 धावा जोडल्या. त्याच्या या स्फोटक खेळीमुळे पाकिस्तानने निर्धारित 20 षटकांत 190 धावांची मजल मारली.

अमेरिकेकडून शेडली व्हॅन शाल्क्विकने शानदार गोलंदाजी करत 4 बळी घेतले, तर हरमीत सिंग, सौरभ नेत्रावलकर आणि मोहम्मद मोहसीन यांनी प्रत्येकी एक विकेट घेतली.

१९० धावांच्या लक्ष्याचा पाठलाग करताना अमेरिकेला अँड्रिस गूस आणि शायन जहांगीर यांनी चांगली सुरुवात केली. दोघांनी पहिल्या विकेटसाठी 42 धावा जोडल्या, मात्र 13 धावा करून गस बाद झाला. शायन जहांगीरने 34 चेंडूत 49 धावांची उपयुक्त खेळी खेळली, मात्र कर्णधार मोनांक पटेल केवळ 3 धावा करून बाहेर पडला.

मधल्या फळीत मिलिंद कुमार आणि शुभम रांजणे यांनी चौथ्या विकेटसाठी 54 धावा जोडून सामन्यात पुनरागमन करण्याचा प्रयत्न केला, पण मिलिंद कुमार (24) बाद झाल्याने आशा पुन्हा धुळीला मिळाल्या. शुभम रांजणेने 30 चेंडूत 51 धावांची अर्धशतकी खेळी नक्कीच खेळली, पण त्याला समोरून फारशी साथ मिळाली नाही आणि संघाला केवळ 158 धावांपर्यंत मजल मारता आली.

पाकिस्तानकडून उस्मान तारिकने शानदार गोलंदाजी करत ३ बळी घेतले. शादाब खानने 2 तर मोहम्मद नवाज, शाहीन आफ्रिदी आणि अबरार अहमद यांनी प्रत्येकी एक विकेट घेतली.

एकूणच, पाकिस्तानने हा सामना 32 धावांनी जिंकून सलग दुसरा विजय नोंदवला आणि गुणतालिकेत 4 गुणांसह अव्वल स्थान पटकावले.