वेस्टर्न कॉलेजमध्ये ‘करिअर स्टेशन २०२६’ जॉब फेअरचे आयोजन
२५ ते ३० नामांकित कंपन्यांचा सहभाग; पदवीधर व अंतिम वर्षातील विद्यार्थ्यांसाठी सुवर्णसंधी
नवी मुंबई, ता. १९ : वेस्टर्न कॉलेज ऑफ कॉमर्स अँड बिझनेस मॅनेजमेंटतर्फे शनिवारी (ता. २१) सकाळी ९ ते दुपारी ४ या वेळेत ‘करिअर स्टेशन २०२६’ या जॉब फेअरचे आयोजन करण्यात आले आहे. ‘सकाळ’ माध्यम प्रायोजित या प्लेसमेंट ड्राइव्हमध्ये सुमारे २५ ते ३० आघाडीच्या कंपन्या सहभागी होणार असून आयटी व नॉन-आयटी क्षेत्रातील विविध नोकरीच्या संधी उपलब्ध होणार आहेत.
या जॉब फेअरमध्ये एचडीबी फायनान्शियल सर्व्हिसेस, टेक महिंद्रा आणि सदरलँड ग्लोबल सर्व्हिसेस यांसह विविध नामांकित संस्थांचा सहभाग निश्चित झाला आहे. हा उपक्रम सर्व पदवीधर आणि अंतिम वर्षाच्या विद्यार्थ्यांसाठी खुला असून उमेदवारांना ऑन-द-स्पॉट मुलाखती, एचआरशी थेट संवाद आणि करिअर पर्यायांचा शोध घेण्याची संधी मिळणार आहे.
इच्छुकांनी रिझ्युमच्या प्रती, ओळखपत्र आणि औपचारिक पोशाखासह उपस्थित राहावे, असे आवाहन करण्यात आले असून अधिक माहितीसाठी प्लेसमेंट सेलशी संपर्क साधण्याचे सांगण्यात आले आहे. रोजगारक्षमता वाढवून शिक्षण व उद्योग यांच्यातील दरी कमी करण्याचा या उपक्रमाचा उद्देश आहे.