नोरा फतेही (Nora Fatehi) आणि संजय दत्त यांच्या ‘केडी: द डेव्हिल’ चित्रपटातील ‘सरके चुनर तेरी सरके’ हे गाणे त्याच्या आक्षेपार्ह गीतांमुळे आणि नृत्यदिग्दर्शनामुळे प्रदर्शित झाल्यापासून वादात सापडले आहे. सेन्सॉर बोर्डाने या गाण्याला दिलेली मंजुरीदेखील वादग्रस्त ठरली आहे. अभिनेत्री आणि राजकारणी कंगना रणौतने या गाण्यावर तीव्र टीका केली असून, बॉलिवूडने ‘अश्लीलतेची’ मर्यादा ओलांडल्याचा आरोप केला आहे.

एएनआयशी बोलताना कंगना म्हणाली, “बॉलिवूडने अश्लीलता, क्लृप्ती आणि प्रसिद्धी मिळवण्याच्या बाबतीत सर्व मर्यादा ओलांडल्या आहेत. संपूर्ण देश त्यांचा निषेध आणि टीका करत आहे. पण मला नाही वाटत की त्यांना काही लाज आहे. अशा प्रकारच्या अश्लीलतेवर आणि असभ्यतेवर आणखी कठोरपणे कारवाई करण्याची गरज आहे. मला वाटते की बॉलिवूडला लगाम घालण्याची गरज आहे.”

कंगनाच्या आधीही अनेकांनी गाण्याच्या शब्दांवर आक्षेप घेतला आहे. गायक अरमान मलिकनेही गाण्याच्या शब्दांवर आश्चर्य व्यक्त केले. त्याने त्याच्या एक्स अकाऊंटवर म्हटले की, गाण्याचे शब्द ऐकल्यानंतर त्याला व्हिडिओ पुन्हा पाहावा लागला, कारण तो जे ऐकत होता त्यावर त्याचा विश्वास बसत नव्हता. व्यावसायिक गाण्यांमधील शब्दांचा स्तर एका नव्या नीच पातळीवर पोहोचला आहे. ही पातळी इतकी खालावलेली पाहून वाईट वाटते.

“सरके चुनर तेरी सरके” हे प्रेम दिग्दर्शित आगामी पॅन-इंडिया कन्नड चित्रपट “केडी: द डेव्हिल” चा एक भाग आहे. गाण्याच्या सुरुवातीच्या ओळींना दुहेरी अर्थ असून, त्यात लैंगिक संबंधांचे तपशीलवार वर्णन आहे. चित्रपटाचे अधिकृत संगीत भागीदार असलेल्या आनंद ऑडिओने हे गाणे हिंदी, मल्याळम, तमिळ, तेलगू आणि कन्नड भाषांमध्ये अपलोड केले आहे.

दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा

हेही वाचा

श्रद्धा कपूरचं लग्न कधी होणार? मावशी तेजस्विनी कोल्हापुरे यांनी राहुल मोदींबद्दलचा उघड केले हे सिक्रेट