आयपीएल 2026 स्पर्धेच्या चौथ्या सामन्यात पंजाब किंग्स आणि गुजरात टायटन्स यांच्यात सामना झाला. या सामन्यात नाणेफेकीचा कौल पंजाब किंग्सने जिंकला आणि प्रथम गोलंदाजी स्वीकारली. पंजाब किंग्सने या सामन्यात चांगली गोलंदाजी केली. गुजरात टायटन्सला 162 धावांवर रोखलं. या सामन्यात अर्शदीप सिंग पंजाबकडून सर्वात महागडा गोलंदाज ठरला. त्याने 10.50 च्या इकोनॉमी रेटने 42 धावा दिल्या आणि एकही विकेट घेतली. खरं या सामन्यात त्याने शेवटचं षटकात 12 धावा दिल्या. या षटकात एकही षटकार आला नाही. यात 6 धावा या फक्त नो आणि वाइडमधून आल्या. तर एक चौकार आणि दोन धावा धावून काढल्या. तसं पाहिलं तर हे 12 धावांचं षटक काही महागडं नव्हतं. पण हे षटक पूर्ण करण्यासाठी अर्शदीप सिंगने 11 चेंडू टाकले. म्हणजे 5 चेंडू अतिरिक्त टाकले. गुजरातविरुद्धच्या षटकात 11 चेंडू टाकून अर्शदीपने आयपीएलच्या इतिहासातील सर्वात लांब षटकाच्या नको असलेल्या विक्रमाची बरोबरी केली.

आयपीएल स्पर्धेतील या सामन्यात अर्शदीप सिंग टाकत असलेल्या शेवटच्या षटकात राहुल तेवतिया आणि राशीद खान मैदानात होते. पहिला चेंडूचा सामना करण्यासाठी राहुल तेवतिया समोर होता. हा चेंडू वाइड टाकला. त्यानंतरच्या चेंडू निर्धाव गेला. दुसरा चेंडूवर धाव आली नाही. तिसऱ्या चेंडूवर राहुल तेवतियाने चौकार मारला. चौथा चेंडू टाकताना नो बॉल टाकला आणि 1 धाव आली. त्यामुळे चौथा चेंडू पुन्हा टाकावा लागला तसेच फ्री हीट होता. राशीद खान स्ट्राईकला आला होता पण चेंडू वाइड टाकला. पुन्हा चेंडू वाइ़ड टाकला आणि एक धाव काढली. तेवतिया स्ट्राईकला आला आणि फ्री हीटच होता. राहुल तेवतिया हा चेंडू निर्धाव टाकला. पाचव्या चेंडूवर तेवतियाने एक धाव काढली. सहावा चेंडू खेळण्यासाठी स्ट्राईकला राशीद खान आला पण वाइड टाकला. सहावा चेंडू पुन्हा टाकला आणि निर्धाव गेला.

11 चेंडू – मोहम्मद सिराज (आरसीबी) विरुद्ध मुंबई इंडियन्स, बंगळुरू, 2023 (19वं षटक)

11 चेंडू – तुषार देशपांडे (सीएसके) विरुद्ध एलएसजी, चेन्नई, 2023 (4थं षटक )

11 चेंडू – शार्दुल ठाकूर (एलएसजी) विरुद्ध केकेआर, कोलकाता, 2025 (13वं षटक)

11 चेंडू – संदीप शर्मा (राजस्थान रॉयल्स) विरुद्ध दिल्ली कॅपिटल्स, दिल्ली, 2025 (20वं षटक)

11 चेंडू – हार्दिक पांड्या (मुंबई इंडियन्स) विरुद्ध गुजरात टायटन्स, वानखेडे, 2025 (8वं षटक)

11 चेंडू – अर्शदीप सिंग (पंजाब किंग्स) विरुद्ध गुजरात टायटन्स, मुल्लानपूर, 2026 (20वं षटक)