NEW TWIST IN ‘TARINI’; 'तारिणी' या मालिकेत अनेक ट्वीस्ट येताना पहायला मिळताय. या मालिकेत सध्या नव्या अभिनेत्रीची एन्ट्री झाली आहे. गेल्या काही दिवसापासून मालिकेत तारिणीच्या टीममध्ये एक नवीन ऑफिसर येणार असल्याचं सांगितलं होतं. तेव्हापासून ती नवीन ऑफिसर कोण असणार? याची उत्सुकता प्रेक्षकांची लागली होती.

हरप्रीत चड्ढा ही भूमिका अभिनेत्री पायल जाधव हिने साकारली होती. हरप्रीत उर्फ रेवा ही केदारची चांगली मैत्रीण असल्याचे समोर आलय. दरम्यान आता मालिकेत अजून एक मोठा ट्वीस्ट आलेलं पहायला मिळताय. मालिकेत पद्मिनी काकूंची भूमिका अभिनेत्री सिद्धीरुपा करमरकरने साकारली होती. दरम्यान आता मालिकेत पद्मिनी काकूची भूमिका शीतल क्षीरसागर ही साकारणार आहे.

सिद्धीरुपा करमरकरने मालिकेत प्रेक्षकांच्या मनात स्थान निर्माण केलं होतं. खांडेकर कुटुंबासोबत तिचं प्रेमाचं वागणं, मुलावर असलेलं प्रेम, तसंच त्याच्या प्रेमात इतर कोणी येऊ नये असं पद्मिनीला सतत वाटत असतं. मुलासाठी ती अनेकवेळा दुसऱ्या व्यक्तींवर अन्याय करताना कट कारस्थान करताना पहायला मिळते. दरम्यान आता सिद्धीरुपा करमर यांच्या एक्झिटनंतर ही भूमिका शीतल क्षीरसागर साकारणार आहे.