TVK News : तामिळनाडू विधानसभेत मुख्यमंत्री विजय यांनी तब्बल 144 आमदारांचा पाठिंबा मिळवत विश्वादर्शक ठराव जिंकला. विजय यांना मित्रपक्षांसह अण्णाद्रमुकमधील फुटीर 25 आमदारांच्या गटाचाही पाठिंबा मिळाला. सत्तास्थापनेपूर्वी राज्यपाल राजेंद्र विश्वनाथ आर्लेकर यांनी विजय यांच्याकडे 118 आमदारांच्या पाठिंब्याची मागणी केली होती. यासाठी त्यांना 3 वेळा लोकभवनातून परत पाठवले होते. पण राज्यपालांनी मागितलेल्या आकड्यापेक्षा विजय यांना 26 अधिक आमदारांचा पाठिंबा मिळाला आहे.

बुधवारी (13) रोजी तामिळनाडू विधानसभेत विश्वासदर्शक ठराव मांडण्यात आला. या ठरावाच्या बाजूने टीव्हीकेच्या 108 पैकी 105 आमदारांनी मतदान केले. (मुख्यमंत्री विजय यांनी यापूर्वी तिरुचिरापल्ली पूर्व मतदारसंघाचा राजीनामा दिला आहे. तर श्रीनिवासा सेतुपती यांना मद्रास उच्च न्यायालयाच्या निर्णयामुळे मतदानापासून लांब राहावे लागले. याशिवाय विधानसभा अध्यक्षांनाही अपवादात्मक स्थितीमध्ये मतदानाचा अधिकार असतो.)

CM Vijay news : विजय यांनी घेतला तमिळनाडूसह संपूर्ण देशातील जनतेच्या मनातला निर्णय; भाजप, काँग्रेसलाही 'ते' जमलं नाही...

तसेच काँग्रेसच्या 5, माकप 2, भाकप 2, व्हीसीके 2, आययुएमएल 2 आणि एएमएमके 1 अशा अन्य 14 आमदारांनी विजय यांना पाठिंबा जाहीर केला होता. या सर्वांनी विश्वासदर्शक ठरावाच्या बाजूनेच मतदान केले. तसेच अण्णाद्रमुकचे नेते सी. व्ही. षणमुगम यांच्या नेतृत्वात पक्षाच्या 25 आमदारांनी बंडखोरी केली. त्यांनी पक्षाचा व्हीप झुगारून विधानसभेत विश्वासदर्शक ठरावाला पाठिंबा दिला.

CM Vijay government : तमिळनाडूच्या राजकारणात वादळ; माजी मुख्यमंत्र्यांच्या पक्षात पडली उभी फूट, विजय यांना पाठिंबा जाहीर

यावेळी विरोधी पक्ष द्रमुकने राज्यातील 65 टक्के जनतेने विजय यांच्या टीव्हीके पक्षाविरोधात मतदान केले आहे असा दावा केला. तसेच राधन पंडित या ज्योतिष्यांना मुख्यमंत्र्यांचे ओएसडी नेण्याच्या निर्णयााच निषेध केला. याच दोन्ही कारणांमुळे विश्वासदर्शक ठरावावेळी द्रमुकने वॉकआऊट केले. तर 22 आमदारांनी विश्वासदर्शक ठरावाच्या विरोधात मतदान केले आणि 5 जणांनी तटस्थ राहण्याचा निर्णय घेतला.