सध्या सोशल मीडियावर एका दाक्षिणात्य चित्रपटाची जोरदार चर्च आहे तो म्हणजे दिग्दर्शक हार्दिक गज्जार यांचा नवा चित्रपट 'कृष्णावतारम पार्ट १: हृदयम'. हा चित्रपट ७ मे रोजी चित्रपटगृहात प्रदर्शित झाला. तेव्हापासून हा चित्रपट सतत चाहत्यांमध्ये चर्चेत आहे. या पौराणिक चित्रपटात भगवान श्रीकृष्णाची भूमिका साकारणाऱ्या सिद्धार्थ गुप्तासोबतच चित्रपटातील 'राधा'ची जोरदार चर्चा आहे जी सध्या सर्वांचे लक्ष वेधून घेत आहे. तिचं सौंदर्य, मनमोहक हास्य आणि दमदार अभिनयाचं सगळीकडे कौतुक होत असून ती सोशल मीडियावर सध्या ट्रेंडिंगमध्ये आहे. कोण आहे ही अभिनेत्री?

एकेकाळी बी.आर. चोप्रा यांच्या 'महाभारत'मध्ये पारिजात यांनी साकारलेली राधा गाजली होती, आता २१ व्या शतकातील राधिका म्हणून अभिनेत्री सुष्मिता भट प्रकाशझोतात आली आहे. महत्वाचं म्हणजे सुष्मिताचं वय ३२ वर्ष आहे. तरीही तिने सुंदर अशी राधा साकारत सगळ्यांना प्रेमात पाडलंय. वय हा फक्त आकडाच आहे हे तिने सिद्ध केलंय. मात्र सुष्मिता ही बॉलिवूडची नाही तर दाक्षिणात्य अभिनेत्री आहे.