आज शनी जयंती आहे व उडदाची खिचडी शनिदेवाला अत्यंत प्रिय आहे. तुम्ही नक्कीच नैवेद्यात खिचडी बनवून शनी महाराजांचे आशीर्वाद मिळवू शकतात.



साहित्य-

काळी उडीद डाळ (चिलका / सालीसह) ¾ ते १ कप (१-२ तास भिजवलेली)

तांदूळ १ ते १.५ कप (धुतलेले)

मोहरीचे तेल / तूप २-३ चमचे (शनिदेवासाठी मोहरीचे तेल उत्तम)

जीरे १ चमचा

हिंग ¼ चमचा

हिरव्या मिरच्या २-३ (बारीक चिरलेल्या)

आलं १ चमचा (ठेचलेले किंवा बारीक)

हळद ½ चमचा

मीठ चवीप्रमाणे

लाल तिखट (ऐच्छिक) ½ चमचा

पाणी ४-५ ग्लास (खिचडी पातळ हवी असल्यास जास्त)



ऐच्छिक: हिरवे वाटाणे, टोमॅटो, जिरे पूड



कृती-

सर्वात आधी डाळ आणि तांदूळ स्वच्छ धुवून घ्या. डाळ १-२ तास भिजत घाला. कुकर किंवा जाड तळ्याच्या भांड्यात मोहरीचे तेल/तूप गरम करा. त्यात जीरे आणि हिंग टाका. जिरे तडतडल्यावर हिरवी मिरची + आलं घाला आणि ३० सेकंद परता. हळद, मीठ, तिखट घाला. टोमॅटो किंवा वाटाणे घालणार असल्यास आता घाला आणि १-२ मिनिटे परता. डाळ-तांदूळ घाला. २-३ मिनिटे चांगले ढवळून घ्या जेणेकरून मसाला चिकटेल. पाणी घाला डाळ-तांदळाच्या सुमारे ४ पट घालावे. कुकरचे झाकण लावा. ३-४ शिट्ट्या द्या. गॅस बंद करून नैसर्गिकरित्या थंड होऊ द्या. गरमागरम खिचडीत तूप घाला. दही, लोणचे, पापड सोबत नैवेद्यात नक्कीच ठेवा.



खास टिप्स-

मोहरीचे तेल वापरल्यास शनिदेवाला अधिक प्रसन्न होते.

खिचडी पातळ ठेवा.

नैवेद्य म्हणून लोखंडी किंवा स्टील भांड्यात अर्पण करा.

कांदा-लसूण टाळा.


अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.

ALSO READ: Shani Jayanti 2026 शनिदेवाला प्रसन्न करण्यासाठी प्रिय विशेष नैवेद्य

Edited By- Dhanashri Naik