गंगा दसरा हा सनातन धर्मातील विशेष सण आहे. या दिवशी माता गंगा स्वर्गातून पृथ्वीवर आली. धार्मिक मान्यतेनुसार गंगा दसऱ्याच्या दिवशी गंगेत स्नान, पूजा आणि दान करणाऱ्या भाविकांची पापांपासून मुक्ती होते. यावर्षी गंगा दसरा हिंदू दिनदर्शिकेतील ज्येष्ठ महिन्यात येत आहे, जो इंग्रजी दिनदर्शिकेनुसार मे महिन्यात येतो. गंगा नदी ही हिंदू धर्मातील सर्वात पवित्र नद्यांपैकी एक मानली जाते.

दरवर्षीप्रमाणे यंदाही गंगा दसरा कधी, असा पेच अनेकांच्या मनात आहे. तसेच, या दिवशी कोणत्या वेळी पूजा करणे किंवा गंगा स्नान करणे योग्य आहे हे अनेकांना जाणून घ्यायचे आहे. चला तर मग जाणून घेऊया या प्रश्नांची उत्तरे…

हेही वाचा: जास्त विचार केल्याने आनंद नष्ट होतो का? बुद्धाच्या विचारातून समजून घ्या

गंगा दसरा कधी आहे?

कॅलेंडरनुसार 25 मे रोजी गंगा दसरा हा सण साजरा केला जाणार आहे. 25 मे रोजी पहाटे 4.30 वाजता गंगा दसरा सुरू होईल, जो 26 मे रोजी पहाटे 5:10 वाजता संपेल.

पहाटे ४.०४ पासून गंगा स्नानाचा शुभ मुहूर्त सुरू होईल. या वेळी स्नान केल्याने भक्तांची पापे धुतली जातात. या दिवशी गंगेत स्नान करण्याची विशेष श्रद्धा आहे, परंतु ज्यांना गंगेत स्नान करणे शक्य होणार नाही, त्यांनी घरातील पाण्यात गंगाजल घालून स्नान करावे. स्नानानंतर लगेच गंगा मातेची पूजा करावी. धार्मिक मान्यतांनुसार, गंगा स्नान, पूजा आणि दान केल्याने व्यक्ती अनेक प्रकारच्या पापांपासून मुक्त होऊ शकते.

हेही वाचा: 24 मेचे राशीभविष्य, सूर्य आणि बुधाच्या संयोगामुळे काही लोकांची स्थिती बदलणार आहे.

पूजेची पद्धत कोणती?

या दिवशी गंगा मातेच्या तीरावर उभे राहून तुपाचे दिवे लावावेत. फुले व फळेही अर्पण करावीत, त्यानंतर 'गंगे च यमुने चैवा गोदावरी सरस्वती. नर्मदे सिंधु कावेरी जलेस्मीं सन्निधि कुरु । मंत्राचा जप करावा.

जे भक्त घरी माता गंगा पूजन करणार आहेत त्यांनी या मंत्राचा १०८ वेळा जप करावा. याशिवाय गंगा दसऱ्याच्या दिवशी भक्तांनी थंड पाणी, सत्तू, पंखा, अन्नपदार्थ, पैसा, कपडे यांचे दान करावे, त्यामुळे पाप नष्ट होऊन पुण्य प्राप्त होते.

टीप- हा लेख धार्मिक श्रद्धेवर आधारित आहे. आम्ही त्यात दिलेल्या माहितीची पुष्टी करत नाही.