सचिन बनसोडे, साम टीव्ही

अहिल्यानगर जिल्ह्यातील श्रीरामपूर येथे भर दुपारी चाकू भोकसून हॉटेल मालकाची हत्या करण्यात आल्याची घटना घडली आहे. आकाश शेखर दुबय्या असे मृत व्यक्तीचे नाव असून, जेवणासाठी आलेल्या तिघांनी वाद घालत हॉटेल मालकावर धारदार शस्त्राने हल्ला केल्याची प्राथमिक माहिती आहे.

Talathi Recruitment Scam: राज्यात बोगस तलाठी भरतीचं रॅकेट, 15 लाखांत नियुक्तीपत्र आणि प्रशिक्षण

श्रीरामपूर शहरात गेल्या काही दिवसांमध्ये गुन्हेगारी घटनांमध्ये प्रचंड वाढ झाली आहे. गेल्या 11 दिवसात श्रीरामपूरात प्राणघातक हल्ल्याची ही चौथी घटना घडली आहे. शहरातील नेवासा रोड परिसरातील लक्ष्मीनारायण हॉटेलमध्ये जेवणासाठी आलेल्या तिघांनी वाद घालत हॉटेल मालक आकाश दुबय्या आणि कुणाल दुबय्या यांच्यावर धारदार शस्त्राने हल्ला केला. या हल्ल्यात गंभीर जखमी झाल्याने आकाश दुबय्या यांचा मृत्यू झालाय, तर कुणाल दुबय्या हा किरकोळ जखमी झाला आहे.

Mumbai local : मुंबई लोकल हत्याकांडातील धक्कादायक सत्य समोर; दारूच्या नशेत आरोपीने केला पोटात वार

पोलिसांनी दिलेल्या प्राथमिक माहितीनुसार, मुंबईहून आलेले दोघे जण हॉटेल लक्ष्मीनारायण येथे मुक्कामी होते, मात्र त्यांची आजच हॉटेलच्या रजिस्टरला अधिकृत नोंद केलेली दिसत आहे. शनिवारी त्यांनी जेवणाची ऑर्डर दिली होती. मात्र, ऑर्डर मिळण्यास काहीसा अवधी लागल्याने नशेत धुंद असलेल्या स्थानिक आरोपींनी हॉटेलच्या वेटरशी वाद घालण्यास सुरुवात केली आणि त्याला मारहाण केली. हा वाद मिटवण्यासाठी आणि मध्यस्थी करण्यासाठी हॉटेल मालक आकाश दुबय्या पुढे आला असता, संतप्त झालेल्या हल्लेखोरांनी त्याच्यावर हॉटेलमधील टी-पॉय व इतर जड वस्तूंनी जीवघेणा हल्ला चढवला. या हल्ल्यात डोक्यावर आणि चेहऱ्यावर गंभीर दुखापत झाल्याने आकाश रक्ताच्या थारोळ्यात कोसळला. त्याला तातडीने साखर कामगार रुग्णालयात दाखल करण्यात आले, मात्र वैद्यकीय अधिकाऱ्यांनी तपासून त्याला मृत घोषित केले.

Crime News: बायकोचे अनैतिक संबंध, विम्याच्या पैशांसाठी घेतला नवऱ्याचा जीव... सिनेमालाही लाजवेल अशी क्रूरता

घटनेची माहिती मिळताच अप्पर पोलीस अधीक्षक सोमनाथ वाकचौरे आणि शहर पोलीस घटनास्थळी दाखल झाले. तपासाची चक्रे वेगाने फिरवून पोलिसांनी तिघा हल्लेखोरांना ताब्यात घेतले. ओमकार डफळ, सुरेश जाधव आणि यश जाधव अशी हल्लेखोरांची नावे आहे. श्रीरामपूरमध्ये भरदिवसा हॉटेल व्यावसायिकाची हत्या झाल्याने व्यापारी वर्गात भीतीचे वातावरण निर्माण झाले आहे. श्रीरामपूरमधील वाढती गुन्हेगारी रोखण्याचे आव्हान पोलिसांसमोर आहे.