शनिवारी नवी दिल्लीत ७२ व्या राष्ट्रीय चित्रपट पुरस्कारांची घोषणा करण्यात आली आहे. यंदाच्या पुरस्कारांमध्ये विविध भाषांतील दर्जेदार चित्रपट आणि कलाकारांनी आपली छाप सोडली आहे. विशेष म्हणजे, 'आर्टिकल 370' या चित्रपटाने सर्वोत्तम चित्रपटाचा मान पटकावत यंदाच्या पुरस्कार सोहळ्यात सर्वाधिक लक्ष वेधून घेतले.

यंदा सर्वोत्कृष्ट अभिनेत्याचा पुरस्कार संयुक्तपणे दोन दिग्गज कलाकारांना जाहीर करण्यात आला आहे. बॉलिवूड अभिनेता कार्तिक आर्यन याला 'चंदू चॅम्पियन'मधील प्रभावी भूमिकेसाठी, तर मल्याळम सुपरस्टार मामूट्टी यांना 'ब्रमायुगम' या चित्रपटातील दमदार अभिनयासाठी राष्ट्रीय पुरस्कार जाहीर झाला आहे.

फिप्रेस्को - इंडिया ग्रँड प्रिक्स २०२६’ च्या सर्वोत्तम १० चित्रपटांमध्ये ‘गोंधळ’ सिनेमाची निवड

याशिवाय सर्वोत्कृष्ट अभिनेत्रीचा मान अभिनेत्री यामी गौतम हिने पटकावला आहे. 'आर्टिकल 370' चित्रपटात तिने साकारलेल्या गुप्तचर अधिकाऱ्याच्या भूमिकेने प्रेक्षकांसह परीक्षकांचीही मने जिंकली आहे. या चित्रपटाचे दिग्दर्शन आदित्य जांभळे यांनी केले असून, चित्रपटालाही सर्वोत्तम चित्रपटाचा किताब मिळाल्याने निर्मात्यांसाठी हा दुहेरी आनंद ठरला आहे.

मराठी चित्रपटसृष्टीसाठीही यंदाचे राष्ट्रीय पुरस्कार विशेष ठरले. 'मु.पो. बोंबिलवाडी' या चित्रपटाची सर्वोत्कृष्ट मराठी चित्रपट म्हणून निवड करण्यात आली आहे. याशिवाय, 'घरत गणपती' चित्रपटातील 'रंगा गंधा' या गाण्यासाठी गायक अभय जोधपूरकर यांना सर्वोत्कृष्ट पार्श्वगायकाचा राष्ट्रीय पुरस्कार जाहीर झाला आहे. या यशामुळे मराठी सिनेसृष्टीत आनंदाचे वातावरण आहे.

Pune International Film Festival 2026 : पुणे आंतरराष्ट्रीय चित्रपट महोत्सवात ‘बाप्या’ने जिंकला सर्वोच्च मराठी चित्रपट पुरस्कार

हिंदी चित्रपट विभागात राजकुमार रावच्या 'श्रीकांत'ला सर्वोत्कृष्ट हिंदी फीचर फिल्मचा सन्मान मिळाला आहे. तर अभिजीत दळवी दिग्दर्शित 'हमसफर' या लघुपटाने सर्वोत्कृष्ट लघुपटाचा राष्ट्रीय पुरस्कार पटकावला आहे. यंदाच्या राष्ट्रीय चित्रपट पुरस्कारांनी आशयप्रधान चित्रपट, दमदार अभिनय आणि विविध भारतीय भाषांतील दर्जेदार कलाकृतींना गौरव मिळाल्याचे पुन्हा एकदा अधोरेखित केले आहे.