पेंग्विन वादानंतर आता हार्पर कॉलिन्स करणार छपाई : 10 नोव्हेंबरपासून होणार विक्री

वृत्तसंस्था, नवी दिल्ली

काँग्रेस नेता सोनिया गांधी यांची आत्मकथा ‘बिलॉगिंग’चे प्रकाशन आता हार्पर कॉलिन्स इंडिया करणार असून याचे जागतिक प्रकाशन 10 नोव्हेंबर रोजी होणार आहे. पेंग्विन इंडियाने आत्मकथेच्या प्रकाशनातून माघार घेणे, संपादकीय बदलांची मागणी अन् राजकीय आरोपांनंतर हा निर्णय समोर आला आहे.

सोनिया गांधी यांच्या आत्मकथेवरून सुरू असलेला वाद आता नव्या वळणावर पोहोचला आहे. हार्पर कॉलिन्स इंडियाने सोनिया गांधींचे पुस्तक ‘बिलॉगिंग : ए जर्नी ऑफ लव्ह’ला भारतात प्रकाशित करणार असल्याची घोषणा शुक्रवारी केली आहे. पुस्तक जगभरात 10 नोव्हेंबर रोजी प्रकाशित होणार आहे. हार्पर कॉलिन्सने याला सद्यकाळातील सर्वात बहुप्रतीक्षित राजकीय आत्मकथा पुस्तकांपैकी एक ठरविले आहे.

पुस्तकात सोनिया गांधींच्या जीवनातील अनेक महत्त्वपूर्ण टप्प्यांन सामील करण्यात आले आहे. यात युद्धानंतर इटलीतील त्यांच्या बालपणापासून भारतात येणे, माजी पंतप्रधान राजीव गांधी यांच्यासोबतचा विवाह आणि भारतीय राजकारणाच्या केंद्रस्थानी अनेक दशकांपर्यंत राहण्याच्या अनुभवांना मांडण्यात येणार आहे. प्रकाशकानुसार पुस्तक भारताच्या प्रवासावरून एक अंतर्गत दृष्टीकोनही मांडणार आहे.

पेंग्विनच्या निर्णयावरून वाद

अमेरिकेतील अल्फ्रेड ए नॉफ या पेंग्विन रँडम हाउसशी संबंधित शाखेने हे पुस्तक 10 नोव्हेंबर रोजी जगभरात प्रकाशित करण्याची घोषणा केल्यावर वाद सुरू झाला होता. यानंतर पेंग्विन रँडम हाउस इंडियाने भारतात या पुस्तकाचे आपण प्रकाशक नसल्याचे स्पष्ट केले होते. पेंग्विन इंडियाने पुस्तकातील काही हिस्स्यांमध्ये संपादकीय बदल अन् काही हिस्से हटविण्याची मागणी केली होती. सोनिया गांधी यांची टीम या बदलांबद्दल सहमत झाली नाही. यामुळे दोन्ही बाजूंदरम्यान प्रकाशनावरून सहमती होऊ शकली नव्हती.

मोदी, संघ, चीनचा उल्लेख

पंतप्रधान नरेंद्र मोदी, राष्ट्रीय स्वयंसेवक संघ आणि भारत-चीन संबंधांशी निगडित काही हिस्से हटविण्याची मागणी पेंग्विन इंडियाने केली होती, प्रकाशावर बर्हिगत दबाव होता असा आरोप काँग्रेस नेत्यांनी केला होता. परंतु पेंग्विन इंडियाने हे आरोप फेटाळले होते. पुस्तकाला भारतात प्रकाशित न करण्याच्या निर्णयामागे कुठल्याही प्रकारचा बर्हिगत दबाव नव्हता. एका खास मुद्द्यावर दोन्ही बाजूंदरम्यान असहमती निर्माण झाली होती असे पेंग्विन इंडियाने स्पष्ट केले होते. आता हार्पर कॉलिन्स इंडियाच्या प्रकाशनाने सोनिया गांधींच्या पुस्तकाला भारतातही वाचकांपर्यंत पोहोचविण्याचा मार्ग मोकळा केला आहे.