IAS Neha Marvya: 2011 च्या बॅचच्या आयएएस अधिकारी नेहा मारव्या (IAS Neha Marvya) यांची पुन्हा बदली झाली आहे. बदली झाल्यानंतर त्यांनी आयएएस असोसिएशन ग्रुपवर एक पोस्ट टाकून आपली नाराजी व्यक्त केली. "एका वर्षात माझी चार वेळा बदली झाली आहे. जर मी कुठेच स्थिर राहिले नाही, तर मी काम कसे करू शकेन?" अशी खंत त्यांनी व्यक्त केली. त्यांच्या मेसेजवर ग्रुपच्या सदस्यांनी कोणतीही प्रतिक्रिया दिली नाही.

एका वर्षात चौथ्यांदा बदली, आता 50 दिवसात

वरिष्ठ आयएएस अधिकारी नेहा मारवा यांनी ग्रुपवर पोस्ट करून लिहिले आहे की, "बदलीच्या यादीमुळे मी खूप नाराज आहे. मी या पदावर केवळ 50 दिवस असूनही, 5 सप्टेंबर रोजी जाहीर झालेल्या यादीत माझे नाव आहे. यामुळे मी अस्वस्थ आहे. एका वर्षात चौथ्यांदा माझे नाव बदलीच्या यादीत आले आहे. मला वाटते की एमपी आयएएस असोसिएशन ग्रुप केवळ वाढदिवसाच्या शुभेच्छा देण्यासाठी आहे. मला आशा आहे की यावर काहीतरी तोडगा निघेल." त्यांनी पुढे लिहिले, "मला माझी नाराजी व्यक्त करायची आहे आणि आशा आहे की यावर काहीतरी तोडगा निघेल." मला पूर्णपणे समजते की एक आयएएस अधिकारी म्हणून, राज्य सरकार मला त्यांच्या इच्छेनुसार कुठेही कर्तव्य बजावण्यास सांगू शकते आणि मी नेहमीच हे आदेश आदराने स्वीकारले आहेत.

पण त्याऐवजी, माझी बदली करण्यात आली

नेहा मारव्या यांनी लिहिले की, "मी यावेळी खूप निराश आहे. माझी बदली झाली कारण जे कर्मचारी थेट माझ्या आदेशाखाली नव्हते, परंतु विभागाच्या अखत्यारीत होते, त्यांनी माझ्याविरुद्ध बंड केले, माझ्या डेस्कवर हात आपटले आणि माझी बदली करण्याची धमकी दिली. मी त्यांच्या बेशिस्तपणाबद्दल, फायली रोखून धरण्याबद्दल आणि विभागात मला मिळणाऱ्या वाईट वागणुकीबद्दल योग्य प्रक्रियेद्वारे तक्रार केली, जेणेकरून आवश्यक कारवाई करता येईल. पण त्याऐवजी, माझी बदली करण्यात आली."

"आयएएस अधिकारी इतका कमकुवत असतो का?"

त्यांनी म्हटलं आहे की, "याने कोणता संदेश जातो? आयएएस अधिकारी इतका कमकुवत असतो का की त्याचे अधीनस्थ बंड करून त्याची बदली करू शकतात? मी असे काय केले की माझ्या अधिनस्थांनी एका महिन्यात बंड केले?" माझ्याबद्दल तर सोडाच, मला विश्वास नाही की कोणताही आयएएस अधिकारी असे काही करू शकतो ज्यामुळे रुजू झाल्यानंतर एका महिन्यात बंड होईल. एका महिन्यात, अधिकाऱ्याला काम नीट समजतही नाही. पण हाताखालच्या कर्मचाऱ्यांच्या बंडामुळे झालेल्या या बदलीने माझा अपमान केला आहे.

माझा कार्यकाळ फक्त 2-3 महिन्यांचा 

त्या म्हणाल्या, "मी काम कसे करू शकेन? माझा कार्यकाळ फक्त 2-3 महिन्यांचा आहे. मी माझ्या जबाबदाऱ्या नीट समजून घेईपर्यंत माझी बदली होते. माझ्या हाताखाली काम करणारेही मला एक सोपे लक्ष्य मानतात; जर मी त्यांच्या इच्छेनुसार काम केले नाही, तर ते माझी बदली करू शकतात. मी अनेक वर्षे शांतपणे आणि संयमाने काम केले, मला बाजूला सारले गेले आणि कोणतेही काम नाकारले गेले. मला आशा होती की परिस्थिती सुधारेल, पण ती आणखी बिघडली. आता, माझ्या हाताखाली काम करणाऱ्यांनी मला धमक्या द्यायला सुरुवात केली आहे." त्यांनी शेवटी लिहिले आहे, "कट करणारे नेहमी जिंकतात आणि मी हरते." व्यवस्थेने माझा विश्वासघात केला आहे. आज माझी पाळी आहे, उद्या दुसरा एखादा आयएएस अधिकारी बळी ठरेल.

5 सप्टेंबर रोजी बदली

वरिष्ठ आयएएस अधिकारी नेहा मारव्या यांची 5 सप्टेंबर रोजी बदली झाली. त्यांची आदिवासी क्षेत्र विकास योजनांच्या संचालकपदी नियुक्ती करण्यात आली आहे. अलीकडेच, त्यांच्या विभागातील कर्मचाऱ्यांनी आंदोलन सुरू केले होते.

इतर महत्वाच्या बातम्या

• IAS Divya Mittal: चर्चेतील IAS अधिकारी दिव्या मित्तल यांचा तडकाफडकी सेवेचा राजीनामा; भावनिक पत्रात म्हणाल्या, 'मी काही तरी देण्यासाठी आलीय असा मूर्खपणाचा विचार करत होतो, खरं तर मलाच...'