मुंबई - अभिनेत्री राधिका आपटेनं अनेक गाजलेल्या सिनेमांमध्ये काम केलं आहे. या सिनेमातील अभिनेत्रीच्या इंटिमेट सीनचीही चर्चा झाली. अशातच आता नुकत्याच एका मुलाखतीत राधिकानं तिच्यासोबत घडलेला धक्कादायक प्रकार सांगितला आहे.




झूमला दिलेल्या एका राधिका आपटेनं सांगितलं की, ती 'हे करू शकते!' (बोल्ड सीन्स) असं गृहीत धरलं गेलं. याबद्दल बोलताना राधिका म्हणाली की, 'सुरुवातीला मी असे चार-पाच चित्रपट केले होते, ज्यामध्ये मी पूर्णपणे नग्न होते. त्यामुळे अनेकांना वाटायचं, ही तर करेलच ना. म्हणून मला त्यांना सांगावं लागतं, ऐका, मी खरं तर हे करणार नाही. कारण मी हे आधी केलं आहे, त्यामुळे आता मला याबद्दल आणखी माहिती आहे आणि मला विचारावंसं वाटतं, तुम्हाला हे का हवंय? तुम्हाला मला आताच त्याला किस करायला का सांगायचं आहे? यावर ते म्हणतात, कर ना थोडंसं. अनेकांकडून मला हेच उत्तर मिळतं. तुम्हाला ऐकून आश्चर्य वाटेल. फक्त थोडंसं किसिंग, १५ सेकंदांचं इम्प्रोव्हायझेशन आहे. यावर मी म्हणाले, सॉरी, काय?'