हिंदुस्थानविरुद्ध जपान या ऐतिहासिक टी20 सामन्यात टीम इंडियाने जपानचा 2 धावांनी पराभव केला आणि सामना जिंकला. श्रेयस अय्यरच्या नेतृत्वात टीम इंडियाने हा ऐतिहासिक विजय साजरा केला आणि ICC क्रमवारीत अव्वल स्थान पटकावलं. इंग्लंडने टीम इंडियाच्या वर्चस्वाला भेदून काही दिवसांपूर्वी पहिला क्रमांक पटकावला होता. मात्र, इंग्लंडचा हा आनंद टीम इंडियाने फारकाळ टिकून दिला नाही.

ICC ने जाहीर केलेल्या ताज्या क्रमवारीनुसार, टीम इंडिया आणि इंग्लंड या दोन्ही संघांचे रेटिंग सध्या 269 इतके आहेत. असे असले तरी टीम इंडिया दशांश मतांच्या आधारावर इंग्लंडच्या पुढे असून पहिल्या क्रमांकाची मानकरी ठरली आहे. दुसरीकडे इंग्लंडने श्रीलंकेला पराभवाची धुळ चालत अव्वल स्थान मिळवले होते. मात्र, आता टीम इंडिया पहिल्या क्रमांकावर विराजमान झाल्यामुळे इंग्लंडची दुसऱ्या क्रमांकावर घसरण झाली आहे.

दरम्यान, हिंदुस्थान-जपान सामन्याचा विचार करता पावसामुळे हा सामना केवळ 5 षटकांचा खेळवला गेला, ज्यामध्ये टीम इंडियाने 4 षटकांत 32 धावा केल्या होत्या. प्रत्युत्तरात जपानचा संघ 5 षटकांत 3 गडी गमावून केवळ 30 धावांपर्यंत मजल मारू शकला आणि हिंदुस्थानने हा सामना 2 धावांनी जिंकला. आता टीम इंडिया लवकरच एशियन गेम्समध्ये धमाका करण्यासाठी सज्ज झाली आहे.