ठाण्यात प्रदीप पूर्णेकर प्रकरणी मोठे राजकीय पडसाद उमटले आहेत. या घटनेनंतर त्यांच्या समर्थकांमध्ये संतापाचे वातावरण निर्माण झाले होते. या गंभीर प्रकरणाची सखोल चौकशी करण्यासाठी आणि संबंधित आरोपींना लवकरात लवकर ताब्यात घेण्यासाठी ठाणे पोलीस आयुक्तांनी विशेष तपास पथकाची स्थापना केली आहे.

या एसआयटीमध्ये २३ अधिकारी आणि काही कर्मचाऱ्यांचा समावेश आहे. हल्ल्यामागील मुख्य सूत्रधार कोण आहे आणि यामागे नेमका काय कट होता, याचा शोध घेणे हे पथकाचे प्रमुख उद्दिष्ट आहे. यासाठी सीसीटीव्ही फुटेजची तपासणी, तांत्रिक विश्लेषण आणि संशयितांची कसून चौकशी केली जाणार आहे.

आरोपींचा शोध घेण्यासाठी एसआयटीचे काही अधिकारी आणि कर्मचारी परराज्यांमध्येही तपास करत आहेत. आशुतोष डुंबरे यांच्या नेतृत्वाखालील या विशेष पथकामुळे प्रकरणाच्या तपासाला वेग येण्याची शक्यता आहे.