मुंबई : पहिल्या टी-२० सामन्यामध्ये भारतीय संघाने वेस्ट इंडिज संघावर ८ विकेटने दमदार विजय मिळवला आहे. कर्णधार श्रेयस अय्यर याने टॉस जिंकत पहिल्यांदा गोलंदाजी करण्याचा निर्णय घेतला होता. भारताच्या गोलंदाजीसमोर कॅरेबियन संघ १७१ धावांवर ढेपाळला. या धावांचा पाठलाग करताना कॅप्टन श्रेयस अय्यर याने नाबाद १०२ धावांची शतकी खेळी करत भारताला १५व्या ओव्हरमध्येच हे आव्हान पूर्ण केले. श्रेयस अय्यरचे टी-२० मधील पहिले शतक असून शतक ठोकणार भारतीय टी-२० संघाचा तिसरा कर्णधार ठरला आहे.




आज कर्णधार शे होप आणि रदरफोर्ड यांच्या अर्धशतकी खेळींच्या जोरावर १७० धावांचा टप्पा गाठला होता. इतर सर्व फलंदाजांनी निराशा केली. शिमरॉन हेटमायर, रोव्हमन पॉवेल, शेफर्ड यांना मोठी खेळी करण्यात अपयश आलं. शे होपने ३७ चेंडूत ५२ धावांची अर्धशतकी खेळी करताना ६ चौकार आणि २ षटकार मारले होते. तर रूदरफोर्डनेही ३४ चेंडूत ५६ धावा करताना ६ चौकार आणि ३ षटकार लगावले. दोघांनी ३५ चेंडूत केलेली ६५ धावांच्या भागीदारीच्या जोरावर वेस्ट इंडिज संघाने १०० धावांचा टप्पा पार केला होता. भारताकडून आज पदार्पण करणाऱ्या याने सर्वाधिक ३ विकेट घेत इतिहास रचला. पदार्पण सामन्यात तीन किंवा तीनपेक्षा जास्त विकेट घेणारा तो तिसरा भारतीय स्पिनर ठरला आहे. त्यासोबतच अक्षर पटेल आणि कुलदीप यादव यांनीही प्रत्येकी दोन विकेट नावावर केल्या.

या धावांचा पाठलाग करण्यासाठी भारताकडून सलामीला अभिषेक शर्मा आणि संजू सॅमसन उतरले होते. दोघांनी २९ धावांची सलामी दिली. अभिषेक शर्मा आपला आक्रमक अंदाज दाखवला होता, २१० च्या स्ट्राइक रेटने १० चेंडूत २१ धावा केल्या होत्या. मात्र रोस्टन चेस याने त्याला कॅच आऊट केले. अभिषेक पाठोपाठ संजू सॅमसनही ११ धावांवर माघारी परतला. मात्र त्यानंतर श्रेयस अय्यर आणि ईशान किशन यांनी ६७ चेंडूत १३७ धावांची भागीदारी करताना भारताला विजय मिळवून दिला. श्रेयस अय्यर याने ४३ चेंडूत नाबाद १०२ धावांची शतकी खेळी केली. श्रेयसने २८ चेंडूत अर्धशतक केले होते त्यानंतर १५ चेंडूतच त्याने आपले शतक पूर्ण केले. ईशान किशन याने २७ चेंडूत नाबाद ३७ धावा केल्या. भारताने या विजयासह पाच सामन्यांच्या मालिकेत १-० ने आघाडी घेतली आहे.

भारत (प्लेइंग इलेव्हन): अभिषेक शर्मा, संजू सॅमसन (WK), ईशान किशन, श्रेयस अय्यर (C), तिलक वर्मा, शिवम दुबे, नमन धीर, अक्षर पटेल, अर्शदीप सिंग, कुलदीप यादव, मयंक यादव



वेस्ट इंडिज (प्लेइंग इलेव्हन): शे होप (WK/C), कामिल पूरन, शिमरॉन हेटमायर, रोव्हमन पॉवेल, शेरफेन रदरफोर्ड, रोमॅरियो शेफर्ड, मॅथ्यू फोर्ड, रोस्टन चेस, अकेल होसेन, शामर स्प्रिंगर, शमर जोसेफ