देशातील व्हॉईस AI तंत्रज्ञान आता प्रादेशिक भाषांमध्ये किती प्रगत झाले आहे, याचे थेट प्रात्यक्षिक इंडिया मोबाईल काँग्रेस 2026 मध्ये दिसले. केंद्रीय मंत्री ज्योतिरादित्य शिंदे यांनी विचारलेल्या मराठी प्रश्नांवर JioChat AI ने रिअल-टाइम उत्तर दिले. AI ची ही भाषिक समज आणि अचूकता पाहून रिलायन्स जिओचे चेअरमन आकाश अंबानीही कौतुकाने पाहत राहिले.




ज्योतिरादित्य शिंदे यांनी रिलायन्स जिओच्या स्टॉलला भेट दिली असता, त्यांनी जिओच्या नव्या 'JioChat AI' शी थेट मराठीत संवाद साधत टाकलेली 'मराठी गुगली' आणि त्याला AI ने दिलेले रिअल-टाइम उत्तर पाहून शेजारी उभे असलेले रिलायन्स जिओचे प्रमुख आकाश अंबानी यांच्या चेहऱ्यावरही हसू उमटले.




शिंदे यांनी स्वतः या संवादाचा व्हिडिओ त्यांच्या अधिकृत सोशल मीडिया हँडलवर शेअर केला आहे. व्हिडिओ पोस्ट करताना त्यांनी लिहिले, "ठीक आहे AI.. चला, आता मराठीतच बोलूया! आज IMC 2026 मध्ये JioChat AI शी मराठीत संवाद साधण्याचा अनुभव अत्यंत रंजक होता."




व्हिडिओमधील मराठी संवादजिओच्या Voice AI सिस्टिमची टेस्ट घेण्यासाठी ज्योतिरादित्य शिंदे यांनी अचानक मराठीत प्रश्न विचारण्यास सुरुवात केली. त्यांच्यातील संपूर्ण संवाद खालीलप्रमाणे झाला.



केंद्रीय मंत्री ज्योतिरादित्य शिंदे: "मला सांगा, मी आता यशोभूमीमध्ये आहे. किती वेळ लागणार मला घरी जायला? सफदरजंग रोडला जायला किती वेळ लागणार मला?"



JioChat AI (अत्यंत अचूक आणि स्पष्ट मराठी आवाजात): "यशोभूमीहून सफदरजंग रोडला जायला तुम्हाला साधारण 1 तास आणि 45 मिनिटं लागू शकतात."



केंद्रीय मंत्री ज्योतिरादित्य शिंदे: "बरं आता तुमचा मेट्रोचा लवकर कनेक्शन घ्यायचा नाव काय?"



JioChat AI: "यशोभूमी द्वारका सेक्टर 25 स्टेशन..."




हा अत्यंत अचूक, रिअल-टाइम आणि स्थानिक वाहतुकीचा संदर्भ लक्षात घेऊन दिलेला डेटा ऐकून तिथे उपस्थित असलेले आकाश अंबानी AI च्या या टेक्निकल क्षमतेचे कौतुक करत राहिले.



भारतीय प्रादेशिक भाषांमध्ये 'Local LLM' ची क्रांतीटेक्नॉलॉजीच्या दृष्टीकोनातून पाहिले तर ही घटना भारतातील Voice-First AI आणि लार्ज लँग्वेज मॉडेल्स (LLMs) च्या विकासातील एक मोठा मैलाचा दगड ठरली आहे. भारत हा बहुभाषिक देश असल्यामुळे तंत्रज्ञानाचा खरा विस्तार प्रादेशिक भाषांशिवाय पूर्ण होऊ शकत नाही. रिलायन्स जिओने 'JioChat AI' च्या माध्यमातून मराठी भाषेचा लहेजा (Accent), उच्चार आणि क्लिष्ट प्रश्न समजून घेऊन केवळ काही सेकंदांत रिअल-टाइम उत्तर देण्याची क्षमता यशस्वीरित्या सिद्ध केली आहे.