मुंबई : बॉलिवूड अभिनेता टायगर श्रॉफच्या गोळीबार प्रकरणाच्या तपासात दररोज नवनवीन खुलासे समोर येत आहेत. पोलिसांच्या खात्रीलायक सूत्रांनुसार, आरोपींनी हल्ल्यापूर्वी मुंबईत एका ठिकाणी गोळीबाराचा सराव केला होता. अंधेरीत ते ज्या हॉटेलमध्ये राहत होते, त्या खोलीत पिस्तूल चेक करत असताना चुकून एक गोळी अचानक सुटली. मुंबई पोलिसांच्या सूत्रांनुसार, चौकशीदरम्यान आरोपींनी ते ठिकाण चौकशीत सांगितलं असल्याचं देखील समोर आलं आहे. जिथे त्यांनी गोळीबार करून शस्त्राची चाचणी केली होती, तिथे त्यावेळी एकाने दोन गोळ्या झाडल्या, तर दुसऱ्याने एक गोळी झाडली होती.




चुकून गोळी सुटलीमिळालेल्या माहितीनुसार, हल्ला करण्यापूर्वी आरोपींना पिस्तूल व्यवस्थित काम करत असल्याची खात्री करून घ्यायची होती. यादरम्यान, दोघांनीही यशस्वीपणे पिस्तूलची तपासणी केली. मात्र, हॉटेलच्या खोलीत बंदूक तपासणीत असताना एका , असंही तपास अधिकाऱ्यांना समजलं आहे. सूत्रांनुसार, जेव्हा ही गोळी चुकून सुटली तेव्हा ती खोलीमधील बेडला लागली. मात्र, हॉटेलमधील कर्मचाऱ्यांना किंवा खोलीबाहेरील कोणालाही काहीही संशय आला नाही. चौकशीदरम्यान मिळालेल्या माहितीच्या आधारे, मुंबईजवळ ज्या ठिकाणी गोळीबाराचा सराव झाल्याचा आरोप आहे, त्या ठिकाणाचा पोलीस तपास करत आहेत. तसेच, घटनेपूर्वी केलेल्या तयारीचाही ते तपास करत आहेत.

अटकेची एकूण संख्या १०दरम्यान, काल बुधवारी मुंबई पोलिसांनी गोळीबार प्रकरणात आणखी केली, त्यामुळे अटकेची एकूण संख्या १० झाली आहे. दोन्ही संशयितांना ट्रान्झिट रिमांडसाठी हरियाणातील सोनीपत येथील न्यायालयात हजर केले जाण्याची शक्यता आहे. त्याला मंजुरी मिळाल्यानंतर, पुढील चौकशीसाठी त्यांना मुंबईत आणले जाईल. मिळालेल्या माहितीनुसार, या प्रकरणात शस्त्रे पुरवण्यात या दोन संशयितांनी महत्त्वाची भूमिका बजावली होती. तपास अधिकारी इतर आरोपींसोबतचे त्यांचे संबंध आणि या घटनेचे नियोजन व अंमलबजावणीमधील त्यांच्या कथित भूमिकेची चौकशी करत आहेत.




ऑडिओ क्लिपचीही तपासणीतपास अधिकारी टायगर श्रॉफला धमकी दिल्याचा दावा करणाऱ्या एका ऑडिओ क्लिपचीही तपासणी करतील. या रेकॉर्डिंगमधील आवाज पंजाब आणि दिल्ली पोलिसांच्या डेटाबेसमध्ये संग्रहित असलेल्या आवाजाच्या नमुन्यांशी जुळवून पाहण्याची अधिकाऱ्यांची योजना आहे. या डेटाबेसमध्ये लॉरेन्स बिश्नोई टोळीशी संबंधित व्यक्तींच्या आवाजाची रेकॉर्डिंग असल्याचं सांगण्यात येत आहे. पंजाब, दिल्ली आणि राजस्थानमधील पोलीस युनिट्सकडे आवाजाच्या नमुन्यांचे स्वतंत्र संग्रह आहेत, ज्यांचा वापर संशयितांची ओळख निश्चित करण्यासाठी केला जाऊ शकतो.

ऑडिओ पुरावे आणि इतर पुराव्यांची तपासणीअभिनेता सलमान खान, आमिर खान, चित्रपट निर्माता रोहित शेट्टी आणि दिवंगत माजी मंत्री बाबा सिद्दिकी यांच्यासह इतरांना दिलेल्या कथित धमक्यांशी संबंधित ऑडिओ क्लिप्सच्या तपासात यापूर्वीही अशाच प्रकारची पडताळणी प्रक्रिया अवलंबली गेली आहे. या गोळीबाराच्या घटनेत सहभागी असलेल्यांना ओळखण्यासाठी आणि त्यांची कथित भूमिका निश्चित करण्यासाठी तपास अधिकारी आता उपलब्ध ऑडिओ पुरावे आणि इतर पुराव्यांची तपासणी करत आहेत.