अनेक घरांमध्ये दुपारचे जेवण उरले की ते रात्री पुन्हा गरम करून खाल्ले जाते. वेळ वाचवण्यासाठी आणि अन्न वाया जाऊ नये म्हणून ही सवय उपयोगी ठरते. मात्र, काही पदार्थ साठवताना आणि पुन्हा गरम करताना विशेष काळजी घेणे आवश्यक आहे. चुकीच्या पद्धतीने अन्न साठवल्यास त्यातून पोटदुखी, उलट्या आणि अन्नातून विषबाधा होण्याचा धोका वाढू शकतो.

शिजवलेला भात

भात बराच वेळ खोलीच्या तापमानावर ठेवल्यास त्यामध्ये बॅक्टेरिया वाढू शकतात. त्यामुळे भात शिजल्यानंतर लवकर थंड करून फ्रिजमध्ये ठेवावा. पुन्हा गरम करताना तो पूर्णपणे गरम झाला आहे याची खात्री करावी.

पालक

पालक शिजवल्यानंतर बराच वेळ बाहेर ठेवणे टाळावे. योग्य तापमानात साठवणूक न केल्यास त्यात बॅक्टेरिया वाढू शकतात.

मशरूम

मशरूमचे पदार्थ बनवल्यानंतर ते लवकर थंड करून फ्रिजमध्ये ठेवावेत. खराब झालेला किंवा बराच वेळ बाहेर ठेवलेला पदार्थ पुन्हा गरम करून खाऊ नये.

चिकन

चिकनसारखे मांसाहारी पदार्थ योग्य पद्धतीने साठवणे गरजेचे आहे. पुन्हा खाताना ते आतपर्यंत पूर्ण गरम झाले पाहिजे.

अंडी

उकडलेली किंवा शिजवलेली अंडी जास्त वेळ बाहेर ठेवू नयेत. ती योग्य प्रकारे साठवून वेळेत खावीत.

बटाट्याचे पदार्थ

शिजवलेले बटाटे खोलीच्या तापमानावर जास्त वेळ ठेवल्यास त्यात जिवाणू वाढण्याची शक्यता असते. त्यामुळे त्यांचीही योग्य साठवणूक करावी.

लक्षात ठेवा

शिजवलेले पदार्थ दोन तासांपेक्षा जास्त वेळ बाहेर ठेवू नये. उरलेले अन्न लवकर फ्रिजमध्ये ठेवावे आणि पुन्हा गरम करताना ते सर्व बाजूंनी व्यवस्थित गरम करावे.

हेही वाचा – Hormonal Balance: स्त्रियांनी असे करावे हार्मोन्स कंट्रोल