दिल्ली येथून बिहार जाणाऱ्या खाजगी बसचा अपघात झाला आहे. प्रवाशांनी भरलेली खासगी बस आणि ट्रकला जोरदार धडक झाली. या अपघातात तीन जणांचा मृत्यू झाला. मृतकांमध्ये एका लहान मुलीचाही समावेश आहे. तर १० हून अधिक प्रवासी जखमी झाले आहे.




कसा आणि कुठे झाला अपघात?हा अपघात उत्तर प्रदेश येथील कुशीनगर जिल्ह्यातील पटहेरवा पोलीस ठाण्याच्या हद्दीत झाला. लबनिया चौकाजवळ शनिवारी सकाळी सुमारे ५:४५ वाजता ही घटना घडली. दिल्लीतील आनंद विहार येथून बिहारमधील मुजफ्फरपुरला ही खासगी बस जात होती. अपघातावेळी बसमध्ये जवळपास ५० प्रवासी असल्याची माहिती आहे. महामार्गावर पुढे जाणाऱ्या ट्रेलर ट्रकला ओव्हरटेक करण्याचा प्रयत्न करताना बसची ट्रकला धडक बसली. ही धडक येवढी जोरदार होती की, बसचा पुढचा भाग मोठ्या प्रमाणात खराब झाला.




अपघातात तीन जणांचा मृत्यूया अपघातात तीन प्रवाशांचा मृत्यू झाला. मृतकांमध्ये दोन पुरुष आणि एका लहान मुलीचा समावेश आहे. मृत मुलीची ओळख कुमारी नंदिनी अशी सांगण्यात आली आहे. अपघातात तर मृत्यू झालेल्या दो पुरुष प्रवाशांची ओळख अध्याप पटलेली नाही आहे. दोन जणांचा घटनास्थळी मृत्यू झाला होता. तर तिसर्‍या प्रवासाचा मृत्यू रुग्णालयात उपचारादरम्यान झाला. या अपघातात १० प्रवासी जखमी झाले. जखमींना स्थानिक नागरिक आणि पोलीसांच्या मदतीने बसमधून बाहेर काढले. जखमी प्रवाशांना उपचारासाठी रुग्णालयात दाखल करण्यात आले आहे.

अपघात घडल्यानंतर काय झाल?अपघात जेव्हा घडला तेव्हा बसमध्ये प्रवाशांची आरडाओरड सुरू झाली. बसचा काही भाग एवढा खराब झाला होता की प्रवाशांना बाहेर काढण्यासाठी स्थानिक नागरिकांनी मदत केली. पोलीसांनी घटनास्थळी पोहोचून बचावकार्य सुरू केले. अपघातानंतर ट्रक चालक घटनास्थळावरून फरार झाला. पोलीस त्याचा शोध घेत आहेत.




सण साजरा करण्यासाठी जात होतेदिवाळी आणि छट पूजेसाठी दिल्लीहून मोठ्या संख्येने प्रवासी बिहारकडे जात आहेत. या बसमध्ये असलेला प्रवाशी आनंदाने सणासाठी घरी जात होते. या अपघातामुळे प्रवाशांवर दु:खाचा डोंगर कोसळला आहे.




एएसपीने या अपघाताची माहिती दिलीएएसपी सिद्धार्थ वर्मा यांनी सांगितले की, मृतांपैकी दोघे बिहारमधील मोतीहारी जिल्ह्यातील रहिवासी आहे.अज्ञात मृतची ओळख पटवण्याचे प्रयत्न सुरू आहेत. पोलिसांनी शव ताब्यात घेतले असून शावविच्छेदनासाठी पाठवला आहे. आपघातांमुळे महामार्गाच्या एका लेनवर सुमारे एक तास वाहतूक कोंडी झाली असती. क्रेनच्या मदतीने नुकसान झालेली वाहने हटवण्यात आली आहे. पोलिस प्रशासन या आपघाताचा तपास करत आहे.