नवी दिल्ली : पंतप्रधान नरेंद्र मोदी यांनी युक्रेनचे अध्यक्ष वोलोडिमिर झेलेंस्की (Volodymyr Zelenskyy) यांच्याशी फोनवरून सविस्तर चर्चा केली आहे. या संभाषणादरम्यान अध्यक्ष झेलेंस्की यांनी युक्रेनमध्ये सुरू असलेल्या युद्धातील सद्यस्थिती आणि ताज्या घडामोडींवर आपली भूमिका मांडली. त्याचवेळी रशिया आणि युक्रेन युद्धात शांततेचा तोडगा काढण्यासाठी योगदान देण्यास भारत कटिबद्ध असल्याचा विश्वास मोदींनी झेलेंस्की यांना दिला.

पंतप्रधान मोदी यांनी भारताच्या मानव-केंद्रित दृष्टिकोनाचा पुनरुच्चार करत स्पष्ट केले की, या युद्धाचा आणि वादाचा उकल केवळ 'संवाद आणि मुत्सद्देगिरी' (Dialogue and Diplomacy) च्या माध्यमातूनच शक्य आहे. शांतता प्रस्थापित करण्यासाठी भारत सर्वतोपरी योगदान देण्यास नेहमीच तयार आहे, असे आश्वासनही त्यांनी दिले.

PM Modi Social Media Post : अध्यक्ष झेलेंस्की यांच्याशी फलदायी चर्चा 

या संवादाची माहिती स्वतः पंतप्रधान नरेंद्र मोदी यांनी सोशल मीडिया प्लॅटफॉर्मवर पोस्ट करत दिली आहे. पंतप्रधान मोदी म्हणाले, "युक्रेनमधील सुरू असलेले युद्ध, त्याचे मानवी पैलू आणि शांतता प्रस्थापित करण्यासाठीच्या विविध प्रयत्नांवर विचार मांडल्याबद्दल मी अध्यक्ष झेलेंस्की यांचे आभार मानतो. या समस्येवर शांततापूर्ण मार्गाने तोडगा काढण्याच्या दिशेने सर्व शक्य प्रकारे योगदान देण्यासाठी भारत कटिबद्ध आहे, याचा मी पुनरुच्चार केला."

Glad to have had a productive telephone conversation with President Zelenskyy. We reviewed our wide-ranging bilateral cooperation and agreed to further strengthen India-Ukraine ties. I thanked President Zelenskyy for sharing his perspectives on the ongoing conflict, its humanitarian aspects and various efforts to restore peace. Reiterated India’s firm commitment to contributing in every possible way towards a peaceful resolution. @ZelenskyyUA

— Narendra Modi (@narendramodi) November 9, 2026

Abu Dhabi Peace Meeting : अबू धाबी बैठकीची तयारी आणि मुत्सद्देगिरीच्या पावलांवर चर्चा

युक्रेनचे अध्यक्ष झेलेंस्की यांनी सांगितले की, त्यांनी पंतप्रधान मोदींना अबू धाबी येथे होणाऱ्या आगामी महत्त्वाच्या बैठकीच्या तयारीबद्दल आणि युक्रेनच्या मुत्सद्दी पावलांबद्दल माहिती दिली आहे. युक्रेन प्रत्येक मुद्द्यावर चर्चा करण्यास तयार असून रशियानेही तणाव कमी करण्यासाठी अशीच इच्छाशक्ती दाखवली पाहिजे, असे झेलेंस्की म्हणाले.

Food Corridor Grain Supply : 'फूड कॉरिडॉर' आणि धान्य पुरवठ्यात भारताच्या मध्यस्थीवर भर

झेलेंस्की यांनी काळ्या समुद्राच्या (Black Sea) मार्गाने होणाऱ्या धान्य निर्यातीत येणाऱ्या अडथळ्यांचा उल्लेख करत 'फूड कॉरिडॉर' (Food Corridor) तयार करण्यात भारताच्या भूमिकेवर विशेष भर दिला. पंतप्रधान मोदी यांनी या संदर्भात मध्यस्थी करण्याची इच्छा व्यक्त केल्याचे झेलेंस्की यांनी सांगितले.

धान्याचा पुरवठा खंडित झाल्यामुळे जागतिक अर्थव्यवस्था आणि कोट्यवधी लोक प्रभावित होत आहेत. त्यामुळे अन्न सुरक्षेच्या (Food Security) मुद्द्यावर दोन्ही देशांची पथके सतत संपर्कात राहतील, यावर दोन्ही नेत्यांचे एकमत झाले.

ही बातमी वाचा :

• Gokul : सतेज पाटलांनी निकालानंतर उन्माद केला, अध्यक्ष निवडीचा बहुमान परमेश्वराने आम्हाला दिला, अध्यक्ष महायुतीचाच होईल; बोलता-बोलता हसन मुश्रीफांचा इशारा