मुंबई : आयपीएलच्या इतिहासामध्ये अनेक असे खेळाडू आहेत ज्यांनी प्रदर्शनाच्या जोरावर भारतीय संघात आपली जागा निर्माण केली. आयपीएलला शिडी करत खेळाडूंने आपले करियर घडवले तर काही प्रयत्न करताना दिसत आहेत. एक असाच खेळाडू ज्याने शून्यातून सुरूवात केली पण आता क्रीडा जगतात जागतिक पातळीवर स्वत:ची वेगळी निर्माण केलीय. आपण ज्याच्याविषयी बोलत आहोत तो दुसरा तिसरा कोणी नसून हार्दिक पांड्या आहे. हार्दिक हिमांशू पांड्याचा प्रवास एखाद्या बॉलिवूड चित्रपटाच्या कथेलाही मागे टाकेल असा आहे. २०१४ च्या आयपीएल लिलावात ज्या खेळाडूला अवघ्या १० लाख रुपयांच्या मूळ किमतीत घ्यायला कोणीही तयार नव्हते, तोच हार्दिक पांड्या आज नोव्हेंबर २०२६ मध्ये आयपीएल २०२७ च्या महालिलावापूर्वी तब्बल १८ कोटी रुपयांच्या एका ऐतिहासिक आणि सर्वात मोठ्या ट्रेड डीलसह 'पंजाब किंग्स' संघात सामील झाला आहे.




जगातील सर्वोत्कृष्ट अष्टपैलू खेळाडू म्हणून ओळखल्या जाणाऱ्या सुरुवातीच्या काळात प्रचंड संघर्ष करावा लागला होता. २०१४ च्या लिलावात हार्दिकने १० लाख रुपयांच्या बेस प्राईससह आपले नाव नोंदवले होते. देशांतर्गत क्रिकेटमध्ये तो नवखा असल्याने आणि त्याची विशेष ओळख नसल्याने सर्वच फ्रँचायझींनी त्याच्याकडे दुर्लक्ष केले आणि तो 'अनसोल्ड' ठरला. तो काळ हार्दिक आणि त्याच्या कुटुंबासाठी आर्थिक आणि मानसिकदृष्ट्या अत्यंत कठीण होता. मात्र, खचून न जाता हार्दिकने आपल्या खेळावर प्रचंड मेहनत घेतली आणि स्थानिक क्रिकेटमध्ये चौफेर कामगिरी करून दाखवली.

मुंबई इंडियन्सने हिरा ओळखला२०१४ मधील अपयशानंतर, २०१५ च्या आयपीएल लिलावात थिंक टँकने हार्दिकमधील टॅलेंट ओळखले. मुंबईने त्याला त्याच्या १० लाख रुपयांच्या मूळ किमतीत संघात समाविष्ट केले. ही १० लाख रुपयांची बोली हार्दिकच्या आयुष्याला कलाटणी देणारी ठरली. रोहित शर्माच्या नेतृत्वाखालील मुंबई इंडियन्स संघात त्याला पदार्पणाची संधी मिळाली आणि त्याने पहिल्याच हंगामात आपल्या स्फोटक फलंदाजीने आणि उत्कृष्ट क्षेत्ररक्षणाने सर्वांचे लक्ष वेधून घेतले. मुंबई इंडियन्सच्या साखळीत राहून तो आंतरराष्ट्रीय स्तरावर भारताचा मुख्य अष्टपैलू खेळाडू बनला. २०१५ ते २०२१ या ७ वर्षांच्या काळात त्याने मुंबईला ४ वेळा आयपीएल ट्रॉफी जिंकवून देण्यात मोलाचा वाटा उचलला

गुजरात टायटन्स आणि कर्णधारपदाची धुरा२०२२ च्या मेगा ऑक्शनआधी मुंबई इंडियन्सने त्याला रिलीज केले, पण हीच हार्दिकसाठी एका नव्या अध्यायाची सुरुवात ठरली. 'गुजरात टायटन्स' या नव्या संघाने त्याला थेट १५ कोटी रुपयांमध्ये खरेदी केले आणि संघाचे कर्णधारपद सोपवले. या जबाबदारीने हार्दिकने आपला खेळ आणखी उंचावला. पहिल्याच हंगामात २०२२ मध्ये गुजरात टायटन्सला आपल्या नेतृत्वाखाली आयपीएल चॅम्पियन बनवले आणि २०२३ मध्ये सलग दुसऱ्यांदा फायनलमध्ये नेले.

मुंबईत कमबॅक आणि १८ कोटींची मेगा डील२०२४ मध्ये हार्दिक मुंबई इंडियन्समध्ये परतला आणि त्याला रोहित शर्माच्या जागी कर्णधार बनवण्यात आले. मुंबईसोबतचा त्याचा २०२४ ते २०२६ हा कर्णधारपदाचा कार्यकाळ प्रचंड चढ-उतारांचा राहिला. या तीन वर्षांत संमिश्र कामगिरी केली. परंतु, नोव्हेंबर २०२६ मध्ये आयपीएल २०२७ च्या मेगा ऑक्शनआधी मुंबई इंडियन्सने हार्दिक पांड्याला थेट 'पंजाब किंग्स' संघात ट्रेड केले आणि त्या बदल्यात अर्शदीप सिंगला आपल्या संघात घेतले. या डीलअंतर्गत पंजाब किंग्सने हार्दिक पांड्याला तब्बल १८ कोटी देत संघात सामील करून घेतले. आयपीएल २०२७ मध्ये पंजाब किंग्सचा 'किंग' म्हणून हार्दिक पांड्या मैदानात कशी जादू दाखवतो, याकडे संपूर्ण क्रिकेट विश्वाचे लक्ष लागले आहे.




IPL मध्ये हार्दिक पांड्याला मिळालेली रक्कम

• २०१५मुंबई इंडियन्स₹१० लाख


• २०१६मुंबई इंडियन्स₹१० लाख


• २०१७मुंबई इंडियन्स₹१० लाख


• २०१८मुंबई इंडियन्स₹११ कोटी


• २०१९मुंबई इंडियन्स₹११ कोटी


• २०२०मुंबई इंडियन्स₹११ कोटी


• २०२१ मुंबई इंडियन्स₹११ कोटी


• २०२२गुजरात टायटन्स₹१५ कोटी


• २०२३गुजरात टायटन्स₹१५ कोटी


• २०२४मुंबई इंडियन्स₹१५ कोटी